Proksivir

Koʻrsatmalar

1- va 2-turdagi oddiy gerpes virusi keltirib chiqargan infeksiyalar profilaktikasi (gerpetik ekzema, gerpetik vezikulyar dermatit, gerpetik gingivostomatit va faringotonzillit, gerpetik keratokonyunktivit, gerpetik meningit va ensefalit, genital gerpes); oʻrab oluvchi temiratki; B va C gepatitining kompleks profilaktikasi; immunitet tanqisligi boʻlgan bemorlarda yuzaga keladigan virusli va bakterial infeksiyalarning oldini olish uchun; OITS bilan kasallangan va OIV bilan zararlangan bemorlarda kompleks terapiya tarkibida; shamollash mavsumida immunitetni mustahkamlash va organizmning turli infeksion jarayonlarga moyilligini kamaytirish uchun.

Tarkibi (qoʻllash boʻyicha yoʻriqnoma asosida)

100 ml da:

• Deschampsia caespitosa oʻtining quruq ekstrakti
• Calamagrostis epigejos oʻtining quruq ekstrakti
• Echinacea purpurea toʻpgulining quruq ekstrakti

Yordamchi moddalar: etil spirti 96%.

Qoʻllash usuli va dozalari (qoʻllash boʻyicha yoʻriqnoma asosida)

Ichga, shakar yoki non boʻlagiga tomizib. Kattalarga: I hafta — 5 tomchidan kuniga 3 marta, II–III hafta — 10 tomchidan kuniga 3 marta, IV haftada — 8 tomchidan kuniga 3 marta. 1 oydan soʻng kursni takrorlash mumkin.

Etil spirti mahsulotda kamida 85% ni tashkil qilgani sababli 6 yoshgacha boʻlgan bolalarga kerakli miqdor 50 ml qaynatilgan suv va shakar bilan aralashtirib beriladi.

Teri va shilliq qavatlar gerpetik zararlanganda Proksivir bilan malham kuniga 3–5 marta zararlangan sohaga qoʻyiladi (10 ml natriy xlorid izotonik eritmasiga 1,5 ml mahsulot).

Surunkali gerpetik infeksiya, B, C virusli gepatit va genital gerpesdagi qabul qilish sxemalari qoʻllash boʻyicha yoʻriqnomada keltirilgan.

Maxsus koʻrsatmalar (qoʻllash boʻyicha yoʻriqnoma asosida)

Yuqori darajali sitolitik sindromli virusli gepatitlarda bemorlarning 10–15% da aminotransferazalar faolligi (kam hollarda bilirubin miqdori) oshishi kuzatiladi. Bu holat jigardagi tiklanish jarayonlariga sezilarli darajada taʼsir koʻrsatmaydi va preparatni bekor qilishni talab qilmaydi. Alohida eʼtibor va tez reaksiya talab etuvchi potensial xavfli faoliyat turlariga salbiy taʼsiri aniqlanmagan.

Chiqarilish shakli (qoʻllash boʻyicha yoʻriqnoma asosida)

Ichish va mahalliy qoʻllash uchun eritma, 30 va 50 ml tomchi-flakonda.

Saqlash sharoitlari va yaroqlilik muddati (qoʻllash boʻyicha yoʻriqnoma asosida)

+2 °C dan past va +25 °C dan yuqori boʻlmagan haroratda va havo nisbiy namligi 75% dan oshmagan holda yorugʻlikdan himoyalangan joyda saqlanilsin. Saqlash jarayonida choʻkma hosil boʻlishi mumkin, chayqatilganda erib ketadi.

Yaroqlilik muddati: 2 yil.