Uroten

Xususiyatlari

Oʻsimlik kelib chiqishiga ega kombinatsiyalangan preparat. Diuretik, spazmolitik, litolitik, yalligʻlanishga qarshi, antibakterial, oʻt haydovchi va antioksidant taʼsirga ega. Organizmdan siydik kislotasi, toksinlar va ogʻir metallar tuzlarining chiqarilishiga yordam beradi. Tuzlarning erishi va chiqarilishiga, shuningdek suv-tuz muvozanatining tiklanishiga yordam beruvchi faol oʻsimlik ekstraktlarini oʻz ichiga oladi. Siydik haydovchi, yalligʻlanishga qarshi, spazmolitik va ogʻriq qoldiruvchi taʼsirga ega, immunitet va organizmning umumiy holatini qoʻllab-quvvatlaydi.

Koʻrsatmalar

• Profilaktika uchun: buyraklarda barcha turdagi tuzlarning (uratlar, oksalatlar, fosfatlar, karbonatlar) ortiqcha hosil boʻlishi
• Sistit
• Uretrit
• Siydik va oʻt yoʻllari spazmlari.

Tarkibi (qoʻllash boʻyicha yoʻriqnoma asosida)

100 ml eritmada:

• Equiseti arvensis poyasining quruq ekstrakti — 530 mg
• Spergulariae rubrae quruq ekstrakti — 300 mg
• Helichrysi arenarii quruq ekstrakti — 150 mg
• Opuntiae ficus-indicae L. gullarining quruq ekstrakti — 160 mg
• Sideritis angustifoliae gullarining quruq ekstrakti — 155 mg
• Rosmarini officinalis barglarining quruq ekstrakti — 160 mg
• Melissae officinalis barglarining quruq ekstrakti — 155 mg
• Achilleae millefolii quruq ekstrakti — 130 mg
• Peumi boldi barglarining quruq ekstrakti — 150 mg
• Cynodonis dactylonis ildizpoyasining quruq ekstrakti — 150 mg

Yordamchi moddalar: natriy metilparabeni, tozalangan suv.

Qoʻllash usuli va dozalari (qoʻllash boʻyicha yoʻriqnoma asosida)

Ovqatlanishdan 30 daqiqa oldin qabul qilinadi. 2–6 yoshdagi bolalarga — 5–10 ml dan kuniga 3 marta, 6–18 yoshdagi bolalarga — 15 ml dan kuniga 3 marta, kattalarga — 45 ml dan kuniga 3 marta. Qabul qilish davomiyligi — 2–4 hafta.

Chiqarilish shakli (qoʻllash boʻyicha yoʻriqnoma asosida)

Flakonlarda 300 va 600 ml dan eritma.

Saqlash sharoitlari va yaroqlilik muddati (qoʻllash boʻyicha yoʻriqnoma asosida)

Havo nisbiy namligi 75% dan oshmaganda, +2 °C dan past va +25 °C dan yuqori boʻlmagan haroratda saqlanilsin. Qoʻllashdan oldin flakon silkitilsin. Flakon ochilgandan soʻng sigʻindisi koʻrsatilgan saqlash sharoitlariga rioya qilgan holda 14 kun mobaynida foydalanilsin.

Yaroqlilik muddati: 2 yil.